Kreu i Partisë Agrare Ambientaliste, Agron Duka ka reaguar në lidhje me vendimin e KQZ për të miratuar listat shumë emërore vetëm me kandidatë e nevojshëm duke i hequr ata të tepërt.
Duka u shpreh se kryedemokrati Lulzim Basha iu dha të gjithëve atë që meritonin përveç Nard Ndokës që duhet të ishte në listë i sigurt.
“Vendi i dytë është një vend dinjitoz, përfaqësoj një parti që është aleate me PD dhe e meritoj një vend të tillë. Kandidatët tanë u vendosën poshtë në lista dhe KQZ sot i hoqi. Në gjithë Shqipërinë tani kanë mbetur vetëm tre kandidatë të Partisë Agrare Ambientaliste. Basha iu dha të gjithëve atë që meritonin përveç Nard Ndokës që duhet të ishte në listë i sigurt. PD nëse nuk tenton 19 mandate në Tiranë nuk fiton”, tha ai për Ora News.