Kryetari i Partisë Republikane, Fatmir Mediu ka shkuar sot së bashku me djalin e tij Evenin për një vizitë në zyrën e ish-kryeministrit Berisha.
Ish-ministri i Brendshëm në kohën kur PD-ja ka qenë në qeveri shihet i buzëqeshur në foto bashkë me djalin e tij, teksa thotë se ishte një kënaqësi që të takonin doktorin. Nuk harron të theksojë mbështetjen dhe miqësinë e përhershme që ka treguar ish-kryeministri Berisha për të dhe familjen e tij.
Nuk dihet nëse jo vizitë ka pasur qëllime politike tani që jemi në prag fushate dhe zgjedhjesh, apo ishte thjeshtë një vizitë sociale miqësore mes tyre.
“Kënaqësi të takoja Dr Berishën, bashkë me djalin tim Even. Mirënjohje për miqësinë dhe mbështetjen si mik i veçantë i familjes tonë”, shkruan Mediu krahas fotos së publikuar.
