Anëtari i Kryesisë së Partisë Demokratike, Jamarbër Malltezi, e ka një shpjegim se përse deputeti i LSI-së, Lefter Koka, doli kundër vendimit të opozitës për të djegur mandatin e deputetit.
Në një postim në “Facebook”, Malltezi tha “Lefteri po detyrohet nga Rama për shkak të një firme të hedhur
“Shembulli tipik i qeverisjes: Blerja ose shantazhi. Këtij hallexhiut i deklarova 14 muaj më parë “Pendohu, bëhu dëshmitar i drejtësisë” lidhur me aferën kriminale të inceneratorëve ku Rama-Ahmetaj po përlajnë 178 milionë euro, por Teri ka firmos për këtë aferë dhe tani do hedhë vallen sipas Ramës. 14 muaj që qeveria i fshihet debatit për inceneratorët! Çfare halli i madh i ka zanë?”, – shkruan Malltezi.
Reagimi i demokratit vjen pasi Lefter Koka përmes një statusi në Facebook, tha se nuk do ta digjte mandatin e deputetit dhe akuzoi Berishën që kishte kapur për hunde edhe LSI-në, njësoj si Lulzim Bashën.