Kryetari i Partisë Demokratike Lulzim Basha ka botuar një libër ndërsa vendi ndodhet në prag zgjedhjesh. Libri i kryedemokratit mban titullin “Misioni Im”. Si duket, nëpërmjet këtij libri, Basha u bën një ftesë publike shqiptarëve që të votojnë kandidaturën e tij për kryeministër.
Në këtë libër, Basha rrëfen në vetën e parë të gjitha ngjarjet gjatë karrierës së tij politike, si i ka përjetuar që nga viti 1992, dhe betejën opozitare të viteve të fundit.
Mësohet se kryedemokrati do ta prezantojë librin sot, më 22 mars, datë që shënon edhe fitoren e parë të Partisë Demokratike. Ne fund të librit ka një ftesë për të gjithë shqiptarët, për zgjedhjet e 25 prillit. Basha ka refuzuar që ta konsiderojë veten shkrimtar, por ne fund të librit e cilëson “Misioni im” si një letër të hapur drejtuar shqiptarëve, 1 muaj përpara zgjedhjeve. Shtëpia botuese është e Flutura Açkës, kandidates së PD-së në Elbasan.
