Kryetari i Partisë Demokratike Lulzim Basha në prag të zgjedhjeve të 25 prillit ka botuar një libër me titull “Misioni im”.
Sipas Bashës, libri është një letër e hapur drejtuar shqiptarëve dhe veçanërisht rinisë. Në këtë libër, Basha rrëfen në vetën e parë të gjitha ngjarjet gjatë karrierës së tij politike, si i ka përjetuar që nga viti 1992 dhe betejën opozitare të viteve të fundit.
Kjo “lëvizje” e Bashës ka ngjallur reagime të shumta në opinionin publik. Gazetari Alfred Lela me anë të një postimi në rrjetet sociale ka ironizuar kryedemokratin për sa i përket botimit të këtij libri.
Ai thotë se priste që libër të botonte Doktori, duke iu referuar ish-kryeministrit Sali Berisha, pasi sipas tij, në PD vetëm Berisha lexon.
“Unë me thënë të drejtën, prisja libër nga Doktori. Jo për gjë, por në PD veç ai lexon…”, shkruan gazetari.
