Zbardhen detaje nga aksioni i zhvilluar sonte në qytetin e Elbasanit, ku u arrestuan dy vëllezërit Erzen dhe Gëzim Mane. Mësohet se këta të fundit janë përleshur fizikisht me forcat RENEA dhe kanë bërë rezistencë në momentin e arrestimit.
Brenda lokalit që administrohej nga dy vëllezërit janë gjetur dhe sekuestruar armë zjarri e lëndë narkotike gjithashtu. Këtë bizness, Erzen dhe Gëzim Mane e kishin kthyer në pikë shitjeje droge ku mbanin dhe armë.
Tashmë vëllezërit janë dërguar në komisariat. Kontrollet u ushtruan sonte ku blutë janë vënë në kërkim të “problematikëve” në këtë rajon. Kontrolle ka edhe në Durrës gjithashtu.