Komisioni Qendror i Zgjedhjeve pasi ka bërë dje publike 4 modelet 4 e fletës së votimit për zgjedhjet e 25 prillit, sot ka vendosur që të pyesë qytetarët se cilën prej tyre preferojnë.
KQZ fton qytetarët që të votojnë për fletën e votimit që iu duket më e thjeshta për tu votuar.
Për katër draftet paraprake të fletës së votimit të paraqitura në postimin e mësipërm, ju lutemi zgjidhni se cili ju duket më i thjeshtë për të votuar, duke klikuar modelin që ju pëlqen, në këto dy sondazhe të mëposhtme”
Në të gjitha variantet, kandidatët për deputetë janë me numra ndërsa në krye të fletës është dhe emri me logon e partisë ose i koalicionit.
KQZ si model ka marrë në fletën e Votimit, qarkun e Tiranës që ka numrin më të madh të kandidatëve dhe fleta e votimit duhet ketë 36 emra kandidatësh përveç partive politike.
