Presidenti turk Rexhep Tajip Erdogan tha sot se Turqia nuk është më e aftë të përballojë një tjetër valë të mundshme emigracioni, raportonte agjencia vendase Anadolu.
Duke folur në një konferencë emigracioni në Stamboll, Erdogan tha gjithashtu se ndërtimi i mureve dhe telave me gjemba nuk është mënyra e duhur e përballimit të emigracionit të parregullt.
Ai përmendi gjithashtu statistikat se në të gjithë botën ka rreth 260 milion emigrantë, 68 milionë njerëz të zhvendosur dhe 25 milionë refugjatë.
“Përveç subvencioneve të BE, Turqia ka shpenzuar 37 miliardë dollarë nga paratë e saj për strehimin e refugjatëve”, shtoi ai.