Zv.ministri i Mbrojtjes, Petro Koçi ka komentuar mëngjesin e sotëm, videon e tij që u bë virale në rrjetet sociale, ku shfaqej duke kënduar këngën e Osman Takës.
I ftuar në emisionin ‘7pa5’, kandidati për deputet i PS-së në Fier, Petro Koçi zbuloi se vallen e Osman Takës nuk di ta kërcejë, por i pëlqen ta këndojë.
Ai këshilloi këdo që për një moment të harrojë çfarë është dhe të këndojë.
“Jo nuk di ta kërcej, por është një këngë dhe një valle shumë shumë e bukur. Është një nga perlat e folklorit shqiptar. Kënga, muzika është një instrument që i duhet edhe politikës, i duhet edhe formatit njerëzor. Nuk thonë kot të të rrojnë gradat, nëse nuk je njeri, s’ka rëndësi për çfarë je zgjedhur. Në gëzime dhe në festa gjithkush duhet të këndojë, duhet të harrojë që është dikushi i zgjedhur”, tha Petro Koçi përballë gazetarit Thimi Samarxhiu.