Largimi i Elseid Hysajt nga Napoli nuk do të thotë detyrimisht që futbollisti i përfaqësueses shqiptare do të largohet edhe nga futbolli i niveleve më të larta në Itali e në Europë. Për lojtarin i cili do të largohet me parmetër zero nga napolitanët, janë hapur dyert e tre klubeve shumë të rëndësishëm të futbollit Italian, të cilët luftojnë për zonën e Ligës së Kampioneve apo për trofe kombëtarë.
Kështu, sipas prestigjiozes “SportMediaset”, emri i futbollistit shqiptar tashmë qarkullon gjerësisht në tre klube shumë të njohura: Milan, Roma e Lacio. Të tre janë skuadra me objektiva të qartë për pozitat më të larta në klasifikim dhe rivalë të drejtpërdrejtë të Napolit në kampionat.
Ndaj Hysaj mund të vazhdojë të luajë në të njëjtat nivele, duke e bërë më të lehtë lagimin e tij nga Napoli, pasi dukshëm është një futbollist i vlerësuar në Itali, edhe pse është vënë shpesh në diskutim në klubin e tij aktual.