Një konflikt i çastit mes dy të rinjve në spitalin e Durrësit ka degjeneruar në përdorimin e thikave.
Sipas policisë i arrestuar është një 27-vjeçar i akuzuar për varsje në rrethana cilësuese mbetur në tentativë, ndërsa është shpallur në kërkim një tjetër.
NJOFTIMI
Një 27-vjeçar është arrestuar nga policia në Durrës, pas një sherri të ndodhur në ambinetet e spitalit. Në pranga ka rënë shtetasi E. N. (A)., 27 vjeç, banues në Durrës, i cili akuzohet për “Vrasje në rrethana cilësuese”, mbetur në tentativë.
Gjithashtu, është shpallur në kërkim D. B., 26 vjeç, banues në Durrës, pasi ditën e djeshme janë konfliktuar për motive të dobëta, duke përdorur mjet prerës.
“Specialistët për Hetimin e Krimeve ndaj Personit në Drejtorinë Vendore të Policisë Durrës arrestuan në flagrancë (në ambientet e spitalit), për veprën penale “Vrasje në rrethana cilësuese”, mbetur në tentativë, shtetasin E. N. (A)., 27 vjeç, banues në Durrës, si dhe kanë shpallur në kërkim policor për veprën penale “Vrasje me dashje” shtetasin D. B., 26 vjeç, banues në Durrës, pasi ditën e djeshme janë konfliktuar për motive të dobëta, duke përdorur mjet prerës (thikë),” njofton policia.