Kanë dale pamjet e grabitjes spektakolare të ndodhur në mes të ditës në Gjirokastër. Ora Neës sjell ekskluzivisht pamjet e grabitjes së argjendarisë në qendër të qytetit të Gjirokastrës.
Ngjarja u shënua pasditen e 31 marsit, ndërkohë policia ka shpallur në kërkim ish bashkëshortin e gruas së argjendarisë.
Në video duket moment kur një burrë me syze dhe me një xhup ngjyrë lejla hyn në argjendari dhe më pas nxjerr dhe automatikun që e ka të fshehur poshtë xhupit. Pas tij hyn dhe një djalë i ri i cili pasi vendos doreza nis të fusë në çantë bizhuteritë.
Burri pasi ka nxjerrë automatikun e fsheh prapa kurrizit ndërsa duket se komunikon me shitësen.
“Më datë 31.03.2021, rreth orës 18:10, në lagjen “18 Shtatori”, në një argjendari, dy persona të paidentifikuar dyshohet se nën kërcënimin e armës, kanë vjedhur sende me vlerë dhe më pas janë larguar me shpejtësi. Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve.” – njoftoi dje polcia.
Më pas dy autorët janë larguar në këmbë.