Bukuroshja Evi Reçi tashmë ka marrë përsipër edhe një tjetër rol: atë të moderatores, kjo pasi asaj i është besuar prezantimi i emisionit “Vizioni i Pasdites”, në televizionin Vizion +.
Ajo gjendet tashmë çdo pasdite nga e hëna në të remten, pranë shikuesve përmes emisionit të saj, i cili trajton tema të ndryshme.
Evi realizoi edhe një edicion special për 17 shkurt me rastin e 11 vjetorit të Pavarësisë së Kosovës, duke sjell një intervistë me bashkëshorten e kryeministrit të Kosovës, spikeren Anita Muçaj-Haradinaj.
Evi ndërkohë është shumë aktive dhe e ndjekur edhe në rrjetet sociale, në të cilat shpesh ndan me fansat imazhe të ndryshme nga jeta e përditshme.
Së fundmi, këngëtarja dhe prezantuesja ka preferuar të publikojë më shpesh fotografi nga xhirimet e emisionit, duke treguar kështu edhe paraqitjet e saj atraktive çdo pasdite.
Përveç moderimit, ajo nuk do të mungojë edhe në prurjet muzikore, pasi i është futur punës për realizimin e disa projekteve në muzikë.