Kryeministri Edi Rama foli gjatë një bisede në studio në lidhje me marrëdhëniet e Presidentit Ilir Meta me Lëvizjen Socialiste për Integrim si dhe me ministrat Naço e Koka, të cilët kanë lënë LSI-në dhe i janë bashkuar PS-së.
Rama shtoi se: “LSI është në degjenerim të vazhdueshëm. LSI është një filozofi, një sistem. Dhe të tjerat janë gjethe. Me Naçon kam punuar. Kemi pasur një raport shumë korrekt. Me Kokën, kam punuar edhe më parë. Janë individë që vijnë në skuadrën tonë sepse kanë komunitete. Për Metën nuk kam asgjë si njeri, madje jam gati ta ndihmoj. Por si rol në fushë, është hall i madh në këtë vend. LSI-në e konsideroj çiban. Kur them sistemi është i ngritur nga Ilir Meta, Monika pastaj është dorëzania. Kam respekt edhe për emra që qendrojnë me LSI. Janë gjynahqarë. E them me shumë dashuri.”