Ministri i Rindërtimit Arben Ahmetaj, komentoi takimin e kryeministrit Edi Rama me numrin një të Pfizer në Nju Jork.
Ai tregoi se Rama ka debatuar me numrin një të Pfizer dhe i tha se nuk “del nga zyra pa marrë një “Po” për marrjen e vaksinave për popullin shqiptar”.
Sipas Ahmetajt këmbëngulja e kryeminsitrit bëri që shefi i Pfizer t’i thoshte ‘PO’ për sjelljen e vaksinave në Shqipëri.
“Covax është instrument shumë i rëndësishëm. Kryeministri këmbënguli se duhet të ishim më agresivë me prodhuesit. Dua t’ju tregoj sekuencë me takimin me Pfizer, ku isha i pranishëm. Aty u bë diskutimi me numrin një të Pfizer. Numri një i Pfizer i thoshte Ramës se ne kemi kapacitetet e kufizuara akoma. Në një moment, kryeministri i thotë se unë nuk dal nga zyra pa marrë “Po” për popullin shqiptar. I tha se do vaksinohen mjekët, mësuesit dhe do vaksinohen edhe populli. U bë një debat mes kryeministrit dhe numrit një të Pfizerit derisa ky i fundit u detyrua të thoshte “Po”. Dua të falënderoj zonjën Manastirliu për punën që ajo bën, sepse është shumë e madhe. Ardhja e vaksinave nuk ka lidhje fare me fushatën elektorale, por vetëm me shëndetin e qytetarëve. Sinovak është provuar edhe në vende të tjera se është efektive”, tha ministri Ahmetaj.