Ambasadori i BE në Tiranë, Luigi Soreca, ka përshëndetur certifikimin e 28 kandidatëve për Byronë Kombëtare të hetimit.
Përmes një mesazhi të publikuar në Twiter, Soreca thekson se tani është e rëndësishme të nisë një thirrje e dytë për hetues të BKH. Mes të tjerash, ambasadori Soreca shkruan se BE vazhdon të mbështesë SPAK.
“Ne mirëpresim përfundimin e procesit të verifikimit për kandidatët e parë për hetuesit të BKH. Urime grave dhe burrave që e përfunduan me sukses! Tani do të fillojnë trajnim të specializuar. E rëndësishme është të filloni një thirrje të dytë për hetues. BE vazhdon të mbështesë SPAK”, shkruan ambasadori Soreca.