Kryeministri Edi Rama ka publikuar në “Facebook” një fotografi nga radhët që mbajnë qytetarët për të bërë vaksinën ndaj Covid dhe një tjetër nga mitingjet e Partisë Demokratike.
Rama shprehet se ndërsa qeveria vaksinon njerëzit, PD vazhdon që të infektojë masivisht qytetarët e vendit. Ai shton se 25 prilli ndan qytetarët, nëse janë për shëndetin apo për pushtetin e Berishës, Kryemadhit dhe Bashës.
Postimi i kryeministrit Rama:
Vaksinimi dhe Infektimi vazhdojnë paralelisht, si nje provë kokëfortë e zgjedhjes që duhet të bëni në 25 prill
Për shëndetin e popullit e familjes suaj apo për pushtetin e Saliut, Ilirit, Monikës e Lulit;
Për Rindërtimin e zhdukjen e pasojave të tërmetit apo për një tjetër rrëshqitje tëposhtë të krejt Shqipërisë;
Për forcimin e shtetit, të drejtësisë e të rregullave të bashkëjetesës mes njerëzish apo për rikthimin e paligjshmërisë, vrazhdësisë e kaosit në qytetet e rrugët tona;
Për rritjen e ekonomisë e fuqizimin social me punë e me durim apo për rizhytjen në batakun e keqqeverisjes e të rrumpallës antishtet…
*Vaksinimet në Koplik dhe infektimet në mes të Tiranës