Ish-deputeti Aqif Rakipi është përfshirë mbrëmjen e sotme në një aksident.
Ngjarja ka ndodhur pranë Stadiumit “Air Albania” në kryeqytet. Rakipi, është përplasur me një tjetër makinë, ndërsa raportohet se fatmirësisht nuk ka të lënduar.
Po ashtu bëhet e ditur se makina e tij ka përfunduar në një dyqan. Deri më tani nuk dihen rrethanat se si ka ndodhur ngjarja në fjalë, ndërsa policia ndodhet në vendin e aksidentit dhe ka nisur hetimet.