Grupi vullnetar “Me kthe buzëqeshjen” ka hapur një pus uji në Indonezi, i cili mban emrin e Arjan Salës, 32-vjeçarit, që humbi jetën pas shpërthimit të zjarrit në një magazinë në Tiranë.
Lajmi është bërë me dije përmes publikimit të një videoje nga vëllai i Arjanit, Edmond Sala.
“Sapo u hap një pus ujë Ne Indonezi me emrin Arjan Sala vëllait im të dashur shpirti vëllait emri vëllait Heroi vëllait HERO HERO vjen darka ti më mungon shumë shumë, do më mungosh shumë”, shkruan ai.
Në video shfaqen një grup vullnetarësh, pranë pusit i cili tashmë mban emrin e Arjan Salës.
Ky është në donacion nga mësuesi Jasuf Haliti dhe Alije Haliti.
Zjarri në magazinën tek “Casa italia’, ka shpërthyer më 24 mars, dhe vetëm pas 3 ditësh, si rezultat i kërkimeve intensive, të pandërprera, nga zjarrëfiksit dhe shërbimet e policisë, mëngjesin e 27 marsit është nxjerrë trupi i pajetë i Arjan Salës.
Kryeministri Edi Rama, disa ditë më vonë i ka dorëzuar titullin “Dëshmor i Atdheut” familjes së Arjan Salës, pasi shpëtoi 20 punonjës të magazinës duke humbur jetën e tij.