Kryedemokrati Lulzim Basha është shprehur se aktivitetet e tij janë të organizuara me masa anti-Covid dhe se njerëzit mblidhen spontanisht.
I ftuar në ‘Përballë’, Basha u pyet nga Dervishi për mosrespektimin e masave dhe kryedemokrati tha se qytetarët grumbullohen vetë, por ai u bën thirrje për respektim masash.
Pjesë nga biseda:
Lutfi Dervishi: Zoti Basha, rregullat e pandemisë në takimet tuaja…
Basha: Më fal, ku e ke pirë kafen sot.
Lutfi Dervishi: Jo po.
Basha: O po ku e pive kafen.
Lutfi Dervishi: Them se.
Basha: Kafen e ke pirë në lokal, lokalet janë plot, urbanet janë plot…Takimet e mia janë me masa anti-Covid. Në momentin ku qytetarët grumbullohen spontanisht unë u bëj thirrje që të mbajnë masakt dhe përpiqem që ai moment të zgjasë sa më pak.