Meta reagon menjëherë pas Ramës: Qeveria e 1 prillit do marrë përgjigjen nga Vlora

Duke postuar kërkesën që vetë Presidenti Meta u ka dërguar institucioneve të qeverisë pak ditë më parë, kreu i shtetit i përgjigjet menjëherë kryeministrit Edi Rama.

“Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.
Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.
Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm”, thotë Meta në postimin e tij.