Një pjesë e kontrollorëve ajrorë që firmosën letrën për paaftësinë në punë duke nisur protestën mësohet se janë shoqëruar në polici pak pas mesnate.
Kontrollorët ishin strehuar të gjithë në një hotel mbrëmjen e djeshme ku dhe do të flinin.
Kjo pasi shtëpia e tyre ishte vendi i parë ku policia do të kërkonte pas protestës që bllokoi trafikun ajror në vend.
Pas kontrolleve të kryera, efektivët kanë gjetur dhe kanë vënë në pranga 30 kontrollorët.
Aeroporti i Rinasit ka pezulluar të gjitha fluturimet. Shkak është bërë mosplotësimi i kërkesave të kontrollorëve. Ministrja Belinda Balluku ka hequr të gjitha përgjegjësitë nga shteti, ndërsa ka ngritur alarmin për “puç shteti”. Presidenti Ilir Meta ka kërkuar zgjidhje nga qeveria, ndërsa kryeministri Edi Rama i ka kërcënuar punonjësit e ‘Albcontrol’ me burg.
Kontrollorja Flora Ndreca është shoqëruar në polici. Ajo ishte mbrëmjen e sotme në emisionin “Opinion”, ku dhe tregoi anën e saj të historisë për protestën e nisur nga kontrollorët e Albcontroll dhe në momentin që ka dalë prej aty, është shoqëruar në polici.
Vetë Ndreca tha me lot në sy që në studio se ishte përgatitur për të shkuar në polici, edhe pse kishte një fëmijë të vogël që e priste në shtëpi.