Të enjten në bashkinë Prrenjas do të mbyllen cerdhet, ndërsa në kopshte do të mungojë ushqimi. Shkak për këtë është bërë mosmiratimi i buxhetit për vitin 2019-të, një rast ky i ngjashëm me bashkinë e Skraparit.
Kjo situatë ngriti sot në protestë prindër dhe punonjës të administratës, të cilët nga nesër duhet t’i mbajnë fëmijët në shtëpi ose do tu japin ushqim me vete. Ndërkohë nga ana tjetër mungesa e buxhetit ka ngrirë administratën e cila tashmë nuk ka fonde as për bojën e printerave e jo më për shërbime të tjera.
Kryetarja e bashkise Miranda Rira e konsideroi vendim politik bllokimin e buxhetit nga socialistët, duke akuzuar jo pak edhe deputetin Taulant Balla.
Në lidhje me protestën e prindërve dhe deklaratën e kryebashkiakes Rira se e gjitha është sulm politik reagoi deputeti socialisti zonës Nure Belba. Ai tha se përgjegjësia për situatën e krijuar bie mbi kryetaren e bashkisë Miranda Rira.