Ish-kryetari i KQZ-së, Denar Biba i pranishëm në studion e emisionit “Barometri Politik” thotë se gara elektorale për shkak të modelit do jetë ndryshe në secilin qark.
Ai shpjegoi kuptimin e togfjalëshit “Inxhinirim i votës”, term që sipas tij merr kuptim kur palët fusin në lojë emra apo parti, me qëllim që t’u heqin vota kundërshtarëve.
“Kulmi i inxhinierimit i ka qenë në zgjedhjet 2011, kur PD dhe LSI në atë kohë futën Partinë Komuniste për të marrë sa më shumë vota. Në 2003 një pensionist me mbiemrin Rama për të për të hequr vota. Në qark erdhe për një votë do jetë diferenca”, theksoi ai.
Lidhur me rolin që do kenë partitë e vogla në këto zgjedhje, Biba theksoi se partia e Tom Doshit do të prodhojë deputet.
“Tek partitë tjera, ne nuk përmendëm një që do jetë “Game-changer”, edhe mund të jetë, Partia Socialdemokrate. Është pjesë e të tjerave, PSD është luani i vërtetë tek 4.5 % dhe kemi për ta parë. Do të jetë partia që do të prodhojë deputet”, tha ai.