Zbardhen detaje të tjera lidhur me tritolin e vendosur në Orikum të Vlorës, ku një sasi tritoli u vendos jashtë një apartamenti banimi. Policia e Shtetit ka dhënë detaje lidhur me ngjarjen, nga ku është mësuar se banesa ishte në pronësi të Artan Xhelilajt, i cili aktualisht ka masën e sigurisë “arrest shtëpie”. Në banesën e tij, agresorët kishin vendosur rreth 20 gram tritol por nuk dihet ende shkaku, ndërkohë që Xhelilaj ishte dënuar për drogë.
NJOFTIMI I POLICISË:
Orikum/Informacion paraprak
Më datë 12.04.2021, rreth orës 18:10, në Orikum, në pjesën e jashtme të banesës së shtetasit A.Xh, ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.