Ori Nebiaj, vajza e sukseshme e ekranit që tashmë e ka ndarë mendjen për të nisur rrugëtimin e saj politik pas një pauze të shkurtër, është e bindur që Partia Demokratike nën siglën e të cilës kërkon një mandat si deputete në Tiranë do të vijë në pushtet pas zgjedhjeve të 25 prillit.
Por në një situatë hipotetike, ku PD humb zgjedhjet dhe në respekt të standardit të vendosur nga paraardhësi Berisha, Basha jep dorëheqjen a do të ketë lot nga Ori?
Ori Nebiaj: Lulzim Bashës do ti duhet shumë kohë të japë dorëheqjen. Ka shumë rrugë përpara dhe unë mendoj dhe jam e sigurt dhe e bindur që një njeri si Lulzim Basha nuk i vjen kollaj sërish si alternativë me aq shumë dinjitet dhe vlera një vendi si Shqipëria. Është një djalë dhe njeri i shkëlqyer, së pari njerëzor dhe më pas dhe një lider shumë i mirë. Shqipëria sor mbi gjithçka ka nevojë për një njeri të mirë si ai. Nuk e di kur do të vijë dita kur unë të qaj, por që pas ikjes së babait tim diku lotët më janë fshehur dhe strukur thellë.
E ftuar në “PolitikOn” në Rtv Ora, Nebiaj tregon se çfarë do të bëjë nesër si deputete për ata njerëz të zonës së saj zgjedhore të cilët kanë besim te ajo.
Ori Nebiaj: Ata ma bëjnë këtë pyetje çdo ditë dhe ua mirëkuptoj. Jam jë vajzë e re që sot nis një rrugë të gjatë në karrierën time politike, shpresoj të kem gjithmnonë me një ekip si Basha sot e ofron dhe nuk e nis këtë karrierë mbrapsht duke bërë sot premtime që nuk i mbaj sot. Minimumi i asaj që sot premtoj është se edhe pas 25 prillit ku ne të kemi vulosur fitoren dhe të vijmë në pushtet unë do të jem atje së pari për ti dëgjuar dhe kontakti im me ta nuk ndalet kurrë.