Florent Hoti është një nga talent i cili ka spikatur q ënë moshë të re në futbollin anglez. I lindur në Angli, ai ka nisur karrierën e tij te Roshdejl, por vendosi të lëvizte drejt Skocisë, ku që në moshën 20-vjeçare ka arritur të debutojë në Premierligë në këtë vend me fanellën e Dandi. Ndaj ai është një emër që duhet ndjekur me kujdes e për të cilin së fundi ka patur një hap konkret nga FSHF.
Kjo e fundit ka ftuar mesfushorin ofensiv në grumbullimin e përfaqësues U21, por kufizimet në udhëtim gjatë pandemisë, kanë bërë që ai të mos vihej nën urdhrat e Alban Bushit. Por djaloshi me prindër kosovarë, ka edhe Kosovën si opsion për të ardhmen, që mbetet e hapur.
“Do të marr cilëndo rrugë që të jetë e mirë për mua. Shqipëria U21 ka disa lojtarë të rinj të shkëlqyer dhe një rrugë të artë drejt Kombëtares A. Ajo ka shumë lojtarë të rinj dhe nuk kanë frikë që t’i aktivizojnë. Unë dua që të luaj në një nivel sa më të lartë që të jetë e mundur në futboll. Dua të luaj në kampionatet më të mirë, në kombëtare, të luaj për ekipin A të Shqipërisë apo Kosovës, kjo është ajo që dua”, tha djaloshi në një intervistë për mediat angleze.
“Prej prindërve të mi mund të luaj me të dy ekipet. Kosova fitoi pavarësinë në vitin 2008 ndaj unë mund të luaj për të dy vendet. Si shqiptarët, si kosovarët, jemi të njëjtët, me të njëjtën kulturë dhe gjuhë. Janë dy shtete të ndryshme por jemi të njëjtët. Është e vështirë ta kuptosh, edhe shokët e mi të skuadrës ende nuk e kuptojnë. Për shembull kur postoj në Instagram, ku po mbështet të dy skuadrat, ata mendojnë “Zgjidh një!”.Por të dyja janë vendi im”, tha Hoti.