Policia italiane ka arrestuar një shqiptar, i cili jetonte në pyll, ku kishte ngritur edhe një tendë.
Mediat e huaja shkruajnë se ai u vu në pranga në Xhenova. 48-vjeçari, i cili akuzohej për 27 grabitje në kohën kur policia po e kërkonte, telefoni i tij ishte në përgjim. “Ilsecoloxix” raporton se nga përgjimet e telefonatave me miqtë, ai u thoshte “Në Itali, nëse punon mirë bën shumë para. Unë duhet të fitoj shumë para që të kthehem në Shqipërinë time”.
Ai akuzohet se hynte në shtëpitë e banorëve vendas, në kohën kur ata ishin në gjumë dhe vidhte sende me vlerë. Deri më tani nuk është zbuluar ndonjë bashkëpunëtor i tij.