Kryeministri Rama pati një apel për të gjithë shkodranët në aktivitetin përmbyllës të fushatës në këtë qark.
Rama nga Shkodra tha se ky qytet është më i prapambeturi dhe kjo për shkak të Partisë Demokratike. Teksa theksoi se vite më parë ky qytet ka luftuar komunizmin, sot ka mbetur peng nga Enver Hoxha përmes Partisë Demokratike.
“Jozefina Topalli nuk është shoqja ime. Por Jozefina Topalli tradhtare? Me çipin që i ka vënë në tru Enver Hoxha. Me mua e luftoni komunizmin ju? Unë komunisti dhe Saliu demokrati? A jeni në vete apo jo? Kush janë komunistët këtu, Edona, Benet apo Paulini? Si ka mundësi që në këtë vend që nxorri Migjenin, Luigj Gurakuqin e mijëra të tjerë mbiu e mbrapshtë bashkë me lirinë fara e poshtër e totalitarizmit komunist prej tyre që morën në dorë flamurin e PD-së”, tha Rama.