Ish-pjesëtari i grupit Ritfolk, Saimir Braho deklaron se ai personalisht nuk është pro të drejtave të grupeve jo heteroseksuale (LGBT).
I ftuar në emisionin “Refleksione”, Braho theksoi se grupet jo heteroseksuale(LGBT) nuk kanë të drejtë para krijuesit të tyre që të ndërrojnë seksualitetin e tyre.
Por dhe sa i përket raporteve shoqërore, Braho deklaron se grupet jo heteroseksuale kanë aq të drejta sa një person të pretendoj se në mëngjes është një pemë, në darkë të mendoj se është alien.
Një mashkull lind mashkull dhe mendoj se vdes i tillë dhe një femër lind femër dhe vdes e tillë. Nëse pyetja do të ishte; A e kanë këtë të drejtë ata përballë atij që e kanë krijuar?
Do të thosha jo nuk e kanë atë të drejtë, të vendosin mbi gjërat të cilat nuk kanë qenë aty kur janë vendosur. Nëse pyetja do të shtrohej në rrafshin horizontal; A kanë të drejtë ata përpara njerëzve, të bëjnë veprime të tilla në shoqëri?
Unë do mendoja se kanë aq të drejtë sa ka të drejtë një person të pretendoj se në mëngjes është një pemë, në darkë të mendoj se është alien. Është shumë interesante kujdesi i gazetares për ti formuluar si grupe jo-heteroseksuale.
Mendoj se ka tepri dhe tepri të madhe pasi bullizmi ka kaluar në krahun tjetër. Jo më larg se këto ditë Robin Hucklan është një baba të cilin nuk e njihte njeri deri para pak kohësh i cili është burgosur nga një gjykatë kanadeze sepse nuk ka pranuar që vajzës së tij ti drejtohet me përemra mashkullorë ,” deklaroi mes të tjerave Saimir Braho në emisionin Refleksione.
SaimiBraho shpjegoi se në Kanada, në disa konte, tashmë është e ligjshme që shkolla të marrë vendime për të ndryshuar gjininë e fëmijës pa dijeninë e prindërve nëse ata shohin që fëmija ka prirje të kundërta me gjininë e tij.