Presidenti Ilir Meta i bëri thirrje të premten kryeministrit Edi Rama për debat publik.
Në një intervistë nga Vlora, Meta iu përgjigj edhe Gjiknurit, i fundit ky që ka pranuar një përballje me Presidentin, nëse do pranojë se është udhëheqës i opozitës.
“Këto janë alibira dhe justifikime se nuk kam pse të marr përgjegjësi që nuk i kam. Ai ka ngritur disa pretendime me urdhër të Ramës se nuk i ka thënë me mendjen e vet. Të vijë dhe të na i tregojë se kush janë, por s’ka se si të vijë se është një zëdhënës i gënjeshtrës së detyruar dhe s’ka faj se ka probleme të shkuara. E ftoj edhe Ramën, mua më pëlqen përballja”, tha Meta.