Gratë matjane kanë deklaruar mbështetjen e tyre për Partinë Socialiste dhe kandidaten e Qarkut të Dibrës Aurora Mara.
Gjatë një tubimi elektoral kryetari i Bashkisë Agron Malaj theksoi se prej një viti e gjysëm është treguar vëmendje për gratë dhe vajzat matjane. Fakti që në administratën e bashkisë më shumë se gjysma e punonjësve janë gra tregon se ato janë të vlerësuara. Po ashtu investimet e kryera në qytet dhe fshatra kanë përmiërsuar ndjeshëm jetën e banorëve në përgjithësi dhe grave në veçanti.
Kandidatja Aurora Mara kërkoi mbështetjen e grave të Matit sepse ajo dhe gratë ndjehen të vlerësuara duke u përfaqësuar me numrin dy në listën e kandidatëve socialistë në Qarkun e Dibrës.
“Unë, tha Mara, kam besim se ju do të jeni të gjitha bashkë që fitorja e Partisë Socialiste, Edi Ramës dhe e imja të jetë e sigurtë, madje me rezultat bindës. Ju siguroj se unë do të jem zëri Juaj në Kuvendin e Shqipërisë për të miratuar ligje që përmirësojnë jetesën e grave shqiptare”.
