Imami Ahmet Kalaja ka folur me lot në sy pas plagosjes së pesëfishtë që ndodhi tek xhamia “Dine Hoxha”. Në një video-komunikim nga vendi i ngjarjes, i prekur Kalaja tregon se janë plagosur besimtarët dhe anëtarët e stafit të xhamisë që po luteshin në ato momente.
“Janë plagosur disa disa pjesëtarë të xhamisë, edhe besimtarët tanë që po adhuronin Zotin në ato momente. Falenderojmë policinë që ndërhyri në kohë dhe dha ndihmën e shpejtë. Agjërim të lehtë të gjithëve, paqja e Zotit qoftë mbi ju,”- tha Kalaja.