Kryetari i Partisë së Unitetit Kombëtar, avokati i njohur Idajet Beqiri u bën thirrje votuesve të Matit, Klosit, Bulqizës dhe Dibrës të mbështesin në zgjedhjet e 25 prillit kandidaten socialiste Aurora Mara.
“Ju kërkoj të votoni Nr. 2 të listës së PS, Znj. Aurora Mara, gruan, motrën dhe njeriun model nga çdo pikpamje, zonjën e vërtetë që i duhet Kuvendit të Shqipërisë”, shkruan Beqiri.
Postimi i Idajet Beqirit:
Miqtë e mi të Qarkut të Dibrës,
Ditën e diel në datën 25 prill 2021, të gjithë ata që i thonë vetes shqiptar, vëlla, motër, baba, nënë, gjysh, gjyshe, mbesë e nip, domethënë të gjithë ata që kanë mbushur moshën 18 vjeç, do të dalin domosdo në votime.
Përmes sms dhe telefonatave të shumta, ju miqësia ime, duke filluar nga Kala e Dodës e deri në kufi me Kurbinin, më thoni kujt duhet t’i japim votën.
Ju bëjë thirrje dhe si miku juaj i mirë në çdo situatë, ju rekomandoj dhe ju kërkoj të votoni Nr. 2 të listës së PS, Znj. Aurora Mara, gruan, motrën dhe njeriun model nga çdo pikpamje, zonjën e vërtetë që i duhet Kuvendit të Shqipërisë dhe ekipit të shkëlqyer të Edi Ramës.
Zoti e bekoft këtë ekip në të mirë të Shqipërisë dhe të shqiptarëve