Në programin e mëngjesit në një nga televizionet në Serbi, Presidenti Aleksander Vuçiç, ka thënë se zyrtarët amerikanë dhe britanikë ia kujtojnë se Kosova është shtet.
Sipas Vuçiçit, amerikanët dhe britanikët kanë kritika për Kosovën, por publikisht po e përkrahin. “Sa herë që ulem në takime për të folur për Kosovën, amerikanët e britanikët na përmendin vendimin e Gjykatës Ndërkombëtar të Drejtësisë ku Kosova pranohet si shtet sovran e i pavarur. Po ashtu, kur flasim me diplomatët e Britanisë për Kosovën, ata kanë kritika, kurse në heshtje po e përkrahin”, ka thënë Vuçiç.
Sa i përket zgjidhjes së çështjes së Kosovës, ai thotë se ndihet keq që kjo nuk do të zgjidhet sa të jetë ai president dhe se kjo do t’i mbetet për tu kryer nga gjeneratat e ardhshme.
Megjithatë, ai thotë se e ka kurajon dhe ka marrë besimin e qeverisë serbe të negociojë me Kosovën. “Nuk kam shpresë se do të zgjidhet, megjithatë unë jam i gatshëm të bisedojë me Prishtinën sapo të hiqet taksa”, ka thënë Vuciç.