Policia e Tiranës ka vënë në pranga një 27-vjeçar pasi tri ditë më parë qëlloi me armë në drejtim të një shtëpie.
Ngjarja ka ndodhur në rrugën “Shaban Bardhoshi” dhe ndaj të riut rëndojnë një sërë akuzash si vrasje e mbetur në tentativë, armëmbajtje pa leje dhe prishje të qetësisë publike.
“Nga specialistët për Hetimin e Krimit në Komisariatin e Policisë Nr.6 u bë kapja dhe ndalimi i shtetasit R. G., 27 vjeç, i shpallur në kërkim për veprat penale “Vrasje” e mbetur në tentativë “Armëmbajtja pa leje” dhe “Prishja e qetësisë publike” pasi me datë 20.03.2021, në rrugën “Shaban Bardhoshi” ka qëlluar me armë zjarri në drejtim të baneses së shtetasit A. K”, thotë policia.