Pas dorëzimit të mandateve, demokratja, Jorida Tabaku ka treguar në një postim në Facebook eksperiencën e saj, që nga hyrja për herë të parë në sallën e Kuvendit dhe ngjarjeve të dhunës që kanë ndodhur në Parlament.
Në shkrimin e saj, Tabaku rrëfen momentet e përplasjes fizike në Parlament, deri tek kërcënimi i deputeteve zonja nga një ish-deputet i maxhorancës.
“Beteja e parë e opozitës ishin zgjedhjet e Korçës, të cilat, siç u faktuan nga provat filmike ishin të blera dhe të manipuluara. Pak muaj më pas një deputet i mazhorancës kërcënoi gratë në radhë përpara tij për të marrë mandatin e deputetit, i njëjti deputet që do të sulmonte fizikisht kolegun Strazimiri. Një sulm që erdhi pas një urdhëri të kryeministrit Rama përmes sms-ve dhe që sot e kësaj ditë do të mbetet në memorien e shqiptarëve, përfshirë edhe përqeshjen harbute të kryeministrit që dhunën e ushtruar e konsideroi “ledhatim. Në këtë Kuvend kemi evidentuar përditë e më shumëpërfshirjen e të inkriminuarve dhe përdhunuesve me precedentë penalë në grupin parlamentar të mazhorancës. Kjo mazhorancë vazhdonte përdhunshëm të uzurponte në mënyrë anti-kushtetuese institucionet, të shkelte me këmbë edhe ligjin për Nëpunësin Civil që e votoi në fund të mandatit të saj opozitar dhe të shndërronte Shqipërinë në një Kolumbi prej 28 mijë kilometrash katrorë”, shkruan Tabaku.