Kadidatët që kishin sfidën më të madhe në këto zgjedhje ishin ata që u lanë jashtë vendeve të sigurta në lista. Atyre u duhej që të thyenin herësin për tu ulur në Kuvendin e ri të Shqipërisë.
Nga të dhënat e ndjekura hap pas hapi vihet re se në Tiranë është Fatmir Xhafaj ai që ka sjellë surpriza. I renditur në vendin e 23-të, Xhafaj kishte përpara një test për të treguar se sa do të ishte numri i qytetarëve që do ta donin në Parlament këtë herë.
Deri më tani ai numëron 6441 vota, dhe është i dyti për nga numri i të votuarve, pas Belinda Ballukut. Por personi i tretë që vjen në këtë listë është Orlando Rakipi, djali i Aqif Rakipi, i cili është renditur i 30-i në listën e PS-së në Tiranë. Ai numëron 3991 duke lënë kështu pas Elisa Spiropalin dhe emra të tjerë me eksperiencë politike.
Në qarkun e Elbasanit, më i votuari nga radhët e PD-së është Luçiano Boçi. Ai ka marrë 8515 vota dhe edhe pse është renditur i shtati në listë dhe ka ngelur jashtë fituesve, duke se do të vijë në Parlament.
Në Qarkun e Fierit është Agron Kapllanaj ai që është lënë jashtë listës fituese si deputet, por ka marrë 7801 vota, duke kaluar i dyti në këtë qark pas Erion Braçe që ka marrë 8396 vota.
Në Qarkun e Korçës, kandidati Andrea Mano ka marrë shumë vota se kandidatët që aktualisht janë shpallur fitues. Ai renditet i katërti në listë për numri i votave në qark, ndërsa vendin e parë e mban Niko Peleshi me 11091 vota.
Në qarkun e Beratit, Bujar Hoxhaj ka marrë 3200 vota, duke ua kaluar edhe atyre që janë në listën fituese.
Në qarkun e Shkodrës, Bardh Spahia ka marrë 5405 vota edhe pse u la jashtë vendeve të sigurta.
