Policia e Durrësit ka vënë në pranga dy drejtues mjetesh të cilët u përfshinë në një aksident me pasojë vdekjen e një 60 vjeçareje.
Sipas uniformave blu bëhet me dije se të arrestuarit janë shtetasja M.K. 60 vjeçe e cila duke drejtuar mjetin tip “Lancia” në sens të kundërt me lëvizjen e mjeteve, është përplasur me mjetin kamion me drejtues shtetasin Sh. P., 45 vjeç ku si pasojë ka humbur jetën shtetasja me iniciale Sh.Ç.
Lexo edhe- Aksident në Tiranë-Durrës, ndërron jetë pasagjerja 60-vjeçare
Ngjarja ka ndodhur një ditë më parë në autostradën Durrës-Sukth.
“M. K., 60 vjeçe, banuese në Durrës, si dhe u procedua penalisht shtetasi Sh. P., 45 vjeç, banues në Krujë, pasi ditën e djeshme, në autostradën Durrës-Sukth, shtetasja M. K., duke drejtuar mjetin tip “Lancia” në sens të kundërt me lëvizjen e mjeteve, është përplasur me mjetin kamion me drejtues shtetasin Sh. P., e për pasojë ndërroi jetë pasagjerja në mjetin tip “Lancia”, shtetasja Sh. Ç., 60 vjeçe”, thuhet në njoftimin e policisë.