Edon Hasani ishte një nga lojtarët e federuar me Partizanin në merkaton e dimrit. Mesfushori shkodran kaloi një dëmtim të rëndë dhe pas ndërhyrjes kirurgjikale është rikthyer në fushë. Ai po aktivizohjet në skuadrën B të të kuqve. Fillimisht për të u fol me superlativa, madje bëhej me dije se mund të ndihmonte ekipin e Ilir Dajës. Ai është duke u rikthyer në formën e tij më të mirë, pasi ka mjaft cilësi si lojtar, edhe në saj të eksperiencës me klubet më në zë në vend dhe të huaja.
Por, një tjetër lojtar me cilësi dhe që ka spikatur në elitë në dy sezonet e fundit është edhe mesfushori matjan Donald Mëllugja. Një lojtar mjaft punëtor, por edhe energjik që te Bylisi ka bërë edhe liderin në mesfushë së bashku me Muratajn.
Mëllugja ka qenë në stol me Partizanin, ndërsa nuk është preferuar shumë si titullarë në skuadrën e parë, por luan me ekipin B në Kategorinë e Parë…Kujtojmë që te Partizani u afruan 12 lojtarë në janarin e shkuar, një pjesë e tyre po luajnë me ekipin b dhe mendohet që të jenë të perspektivës duke nisur që nga sezoni i ri.