Policia e Elbasanit ka dhënë detaje lidhur me ngjarjen e rëndë të ndodhur në Elbasan. Sipas versionit zyrtar të policisë, gruaja ka ndërruar jetë rrugës për në spital.
Sakaq, të plagosur kanë mbetur një kalimtar i rastit i cili ndodhet në spital jashtë rrezikut për jetën, si dhe një tjetër person i plagosur në dorë. Ky i fundit është larguar nga spitali pasi ka marrë ndihmën mjekësore.
Ndërkohë autori është vënë në pranga si dhe i është sekuestruar arma e krimit, tip kallashnikov dhe një thikë.
NJOFTIMI I PLOTE
Elbasan/Informacion paraprak
Rreth orës 12:15, në afërsi të Gjykatës, shtetasi K. B., 58 vjeç, ka qëlluar me armë zjarri në drejtim të bashkëshortes së tij, shtetases L. B., 54 vjeçe, e cila si pasojë e plagëve të marra ka ndërruar jetë gjatë rrugës për në spital.
Si pasojë e të shtënave është plagosur në këmbë edhe një kalimtar i rastit, shtetasi G. T., i cili ndodhet në spital, jashtë rrezikut për jetën.
Gjithashtu është paraqitur në spital, i dëmtuar në dorë, edhe shtetasi A. K., i cili pasi ka marrë ndihmën mjekësore është larguar për në banesë.
Ndërhyrja në kohë e shërbimeve të Policisë ka bërë të mundur kapjen dhe prangosjen e autorit, sekuestrimin e armës së zjarrit tip kallashnikov dhe të një arme të ftohtë thikë.
Në vendngjarje ndodhet grupi hetimor dhe nën drejtimin e Prokurorisë vijon puna për zbardhjen e rrethanave të ngjarjes