Vijon të jetë i ulët numri i viktimave dhe të infektuarve me Covid në vend gjatë ditëve të fundit.
Ministria e Shëndetësisë ka njoftuar sot se dy pacientë nga Tirana të moshave 52-78 vjeç e kanë humbur betejën me virusin.
Në 24 orët e fundit janë konfirmuar 67 raste të reja me koronavirus nga 2728 testime të kryera për të dyshuar si të prekur.
Në orët e fundit janë shëruar 891 qytetarë, duke e çuar numrin e të shëruarve në 115,253 që nga fillimi i epidemisë. Aktualisht në spitalet COVID po trajtohen 104 pacientë, 11 në terapi intensive, nga të cilët 4 pacientë janë të intubuar.