Një person është ekzekutuar me armë zjarri mbrëmjen e sotme në Tiranë. Viktima është Mehmet Qema 27 vjeç. Ngjarja ka ndodhur në lagjen “5 Maji” në kryeqytet.
Gjatë një konflikti me armë zjarri si pasojë e të shtënave Qema është plagosur dhe pas disa minutave ta ndërruar jetë. Policia ka shkuar në vendin e ngjarjes duke rrethuar zonën për të kapur autorin.
Kjo është vrasja e dytë brenda pak orëve në vend, pasi në mesditë në Vlorë u ekzekutua Bledar Birçaj.
NJOFTIMI
Tiranë/Informacion paraprak
Më datë 10.05.2021, rreth orës 23:15, në rrugën “5 Maj”, në rrethana ende të paqarta është plagosur me armë zjarri pistoletë, shtetasi M. Q., 27 vjeç, i cili si pasojë e plagëve të marra ka ndërruar jetë në spital.
Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit.
Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.