Ditën e sotme është përcjellë për në banesën e fundit, 27-vjeçari Mehmet Qema, i cili u vra të hënën në mbrëmje nga shoku i tij i ngushtë Marjus Dema.
Në ceremoninë mortore kanë marrë pjesë miqtë e Qemës, i njohur si “Tallmani”. Vihet re që ata kanë stampuar në një bluzë foton e tij dhe pas kanë realizuar një foto të mbledhur së bashku.
Ka qenë reperi i njohur, Stresi që ka ndarë këtë foto nga ky moment vërtetë trishtues dhe e ka shoqëruar me një dedikim për mikun e ndjerë.
“Njerëzit qajnë trupin e vdekur kur e përcjellin në varr, por askush nuk qan zemrën e vdekur në trup të gjallë. “Tallman”, broski lamtumirë! Ngushëllime familjes”, ka shkruar reperi.