Ka qenë shumë kritik sot ministri i Bujqësisë Blendi Cuci ndaj bashkisë së Gjirokastrës, e cila drejtohet nga përfaqësuesit e LSI-së. Ai shprehet se socialistët do ta fitojnë edhe këtë bashki me 30 qershor.
Postimi:
“Shumica e problemeve të përditshme të qytetarëve në Gjirokastër lidhen direkt me Bashkinë, prandaj ka ardhur koha që Partia Socialiste ta marrë edhe këtë ‘kështjellë të fundit’. Unë besoj se ju do t’ia besoni kandidatit tonë në zgjedhjet e qershorit. Takimi i sotëm me Kryeministrin dhe ju të gjithë bashkë, si asnjëherë më parë, është preludi i fitores së madhe që na pret. Rrugëtimin që kemi nisur së bashku do ta vazhdojmë edhe më tej, pasi ne jemi alternativa më e mirë për shqiptarët. Faleminderit nga zemra Gjirokastra, faleminderit gjithë banorëve të qarkut që ishin sot në takimin “Bashkia që Duam”.