Kristiano Ronaldo duket se ka ardhur në fund të aventurës me Juventus. Pavarësisht, golave të shënuar në këtë sezon me bardhezinjtë, ajo që nuk ka qenë në lartësinë e duhur ka qenë impenjimi në fushë i portugezit. Kjo edhe për shkak se CR7 nuk ka ndjerë mbështetjen maksimale nga shokët e skuadrës.
Ndaj, me bardhezinjtë që rrezikojnë edhe kualifikimin në Champions League, Ronaldo mendon të largohet. Një alternativë për të është rikthimi në Portugali te Sportingu i Lisbonës, aty ku nisi karrierën si profesionist. Ka qenë vetë mamaja e Kristianos, Dolores Aveiro, ajo që ka bërë tifozët e Sporting të ëndërrojë duke theksuar se do ta bindë djalin e saj të rikthehet.
“Do të flas me të dhe do të përpiqem ta bind. Vitin tjetër ai do të luajë në stadiumin Alvalade. Unë jam e lumtur për titullin që mori skuadra dhe tashmë do të përpiqem të bind Ronaldon”, u shpreh Dolores.