Pas sekuestrimit të një shume të madhe paund në portin e Durrësit në një furgon që vinte nga Britania e Madhe, në polici është shoqëruar drejtuesi i mjetit.
Jetmir Ismaili nga Hasi ka deklaruar para forcave të rendit se nuk ishte në dijeni për sasinë e madhe të parave.
Furgona të tilla zakonisht shërbejnë për transport mallrash nga Shqipëria në Angli dhe anasjelltas kundrejt pagesave.
Sipas burimeve, ka qenë një kontroll rutinë që ka zbuluar sasinë e parave.
Ende nuk ka një komunikatë zyrtare nga ana e policisë së Durrësit në lidhje me sekuestrimin e parave.