Komisioni i Ankesave dhe Sanksioneve i KQZ-së ka refuzuar kërkesën për përsëritje të zgjedhjeve në qarkun e Vlorës.
Kërkesa ishte bërë nga PD dhe LSI.
Ndërkohë, ka nisur edhe numërimi i 114 kutive të votimit, për subjektet zgjedhore, në qarkun e Beratit.
“KAS me shumicë votash vendosi, rrëzimin e kërkesës ankimore 36 të paraqitur nga PD-AN. Rrëzimin e kërkesës ankimore 49 të paraqitur nga LSI. Lënien në fuqi të vendimit të Komisionarit për rezultatin e votimit për qarkun e Vlorës”, tha relatori i ankimimit.
Ky është vendimi i tretë që KAS vendos kundër kërkesave për përsëritje zgjedhjesh. Të mërkurën u rrëzua kërkesa për përsëritje zgjedhjesh në Gjirokastër dhe Berat.