Analisti dhe gazetari Alban Dudushi, i ftuar në Çim Peka LIVE, deklaroi se është e drejta e Sali Berishës që të ngrejë padi dhe të kërkojë të drejtën e tij. Dudushi tha se nuk e priste këtë lëvizje të Berishës.
Por ai tha se nuk dihet nëse padia ka për qëllim vetëm Sekretarin e Shtetit, Antony Blinken apo Departamentin e Shtetit.
“Nuk mund të ndash personin nga institucioni. Nëse është DASH që ka marrë vendimin, Berisha nuk ka punë me Antony Blinken. Berisha duke mos dashur të krijojë idenë e njeriut që nuk është kundër SHBA, mundohet të ndajë Blinken nga SHBA.
Pyetja që shtroj unë është a ndahen ata kollaj? A ndahet Blinken nga posti i tij?
Zoti Berisha është në të drejtën e tij që të ndërmarrë të gjithë hapat për të vendosur në vend dinjitetin e tij. Pyetja që bëj unë është a e ka me Blinken apo me SHBA dhe DASH?” tha Dudushi.
Sipas tij, SHBA e marrin këtë vendim për të turpëruar, për të shënjestruar persona të ndryshëm.