Analisti Dritan Hila i ftuar në emisionin “Open” në Top Channel, ka deklaruar se qëndrimi real i Partisë Demokratike në raport me ish-kryeministrin, Sali Berisha, pas vendimit të DASH për ta shpallur “non grata” në SHBA.
Hila theksoi se nëse PD nuk e lë jashtë parlamentit Berishën do t’i bjerë kauza për dekriminalizimin, pasi për SHBA ai është një person që është futur në listën e personave që kanë njollë në historinë botërore.
Diskutimi në studio:
Hila: Qëndrimi real i PD do duket në shtator. nëse PD futet në parlament me Berishën i ka rënë gjithë kauza e saj për dekriminalizimin. Për SHBA është ‘non grata’ që ka gjynahet e veta në kurriz ku SHBA ka futur shumë figura që për historinë botërore janë me njollë.
SHBA e kanë hedhur dorashkën. Nëse nuk ndahen as formalisht atëherë PD tregon se nuk ndahet dot nga Berishizmi dhe është problem se Berisha nuk ka më ringritje.
Gjekmarkaj: Ne mund të bëjmë hipoteza pafund, por Berisha është dorëhequr në 2013 dhe nuk është vendimmarrës.
Hila: Orienton politikën! Ai po gjykohet për 30 vite aktivitet dhe pika që mbushi kupën është sjellja e kohëve të fundit.
Tu duk i kënaqur me reagimin e Bashës?
Hila: Jo nuk ka pakënaqësi! Është një veprim që e ka gjetur në befasi PD. Ende nuk e ka perceptuar sesa e rëndë është kjo. Do jetë një dubël standard që mund të ndjekë PD dhe do duhet të paguajë kostot.